კომპანია Qualcomm-მა 4 დეკემბერს ახალი Snapdragon 865 და 765 პროცესორები წარმოადგინა და მათ ძირითად უპირატესობებზე ისაუბრა.
ახალი პროცესორი Snapdragon 855-ის მსგავსად 7-ნანომეტრიანი ტექპროცესით არის შექმნილი და 8 ბირთვისგან შედგება. ოთხი მაღალი წარმადობის მქონე Cortex-A77 ბირთვი მაქსიმალურ, 2.84 გჰც-ზე და ერთი 2,4 გჰც სიხშირეზე ხოლო დანარჩენი ოთხი ენერგოეფექტური ბირთვი 1.8 გჰც სიხშირეზე იმუშავებს.
Snapdragon 865 პროცესორის არქიტექტურა Kryo 485-დან უახლეს Kryo 585-მდე განახლდა რაც ნიშნავს იმას, რომ Qualcomm Snapdragon 855 Plus-თან შედარებით ახალ პროცესორს დაახლოებით 15%-18%-ით უფრო მაღალი წარმადობა ექნება. სავარაუდოდ აღნიშნული მაჩვენებელი საბოლოო პროდუქტის გამოშვებისას კიდევ უფრო გაიზრდება.
Snapdragon 865 ასევე მიღებს X55 5G მოდემს, რომელიც არ იქნება ჩაშენებული პროცესორში და ცალკე იწარმოება.
რაც შეეხება გრაფიკულ პროცესორს, მის ადგილს სავარაუდოდ Adreno 650 დაიკავებს და ასეთი სახით გრაფიკული ამოცანების შესრულებისას იგი Adreno 640-ზე 25%-ით მძლავრი იქნება.
ახალი პროცესორი განახლებულ მე-5 თაობის AI Engine-საც მიიღებს, რომლის გამოთვლითი სიმძლავრე 15TOPs-ს აღწევს. Snapdragon 855 ასევე გამოსახულების დამუშავების ახალ ჩიპს, Spectra 480 ISP-ს მიიღებს, რომელსაც 200 მპ-მდე გაფართოების მქონე სურათებთან მუშაობა 2 გბიტ/წმ სიჩქარით შეუძლია. შეგახსენებთ, რომ ამჟამად ბაზარზე არსებულ სმარტფონებში კამერის მაქსიმალური გაფართოება 108 მპ-ს შეადგენს.
კომენტარები
0