2019 წლის აგვისტოს თვეში Microsoft-მა და Samsung-მა თანამშრომლობის გაფართოების შესახებ განაცხადეს. ამის შედეგად Outlook-მა Android-ზე S Pen-ის ოპტიმიზაცია ხოლო Your Phone აპლიკაციამ Samsung-ის სმარტფონებში უფრო ღრმა ინტეგრაცია და სმარტფონის ეკრანის კომპიუტერზე ტრანსლირების ექსკლუზივი მიიღეს. ამჟამად კი ინტენსიურად ვითარდება Samsung Cloud-იდან Microsoft OneDrive-ზე მომხმარებლების მონაცემების მიგრაციის შესაძლებლობა. აღნიშნული სიახლე უკვე ხელმისაწვდომია Galaxy Note 10 / Note 10 + სმარტფონების მომხმარებლებისთვის, რომლებიც Android 10-ის ბეტა-ვერსიას იყენებენ.
Samsung-ის ფლაგმანების გალერეის პარამეტრებში OneDrive-თან დაკავშირების და ფოტო-ვიდეომასალის სარეზერვო ასლის Microsoft-ის ღრუბლოვან საცავში განთავსების ოფცია გამოჩნდა. Samsung Cloud-დან მონაცემების გადატანისას OneDrive-ზე თქვენ იგივე მოცულობის საცავს მიიღებთ, რაც აქამდე გქონდათ. აღნიშნული სივრცე მთელი წლის განმავლობაში იქნება ხელმისაწვდომი, რის შემდეგაც საჭირო იქნება სივრცის შეძენა.
ყველამ, ვინც სივრცე Samsung Cloud-ზე შეიძინა,ბოლო თვის თანხას დაიბრუნებენ. მართალია, OneDrive-ზე გადასვლა ამ ეტაპზე სავალდებულო არ არის, თუმცა Samsung Cloud-ის მომავალი დიდი კითხვის ნიშნის ქვეშ დგას. კომპანიაში ეს კარგად ესმით და ზუსტად ამიტომ მომხმარებლებს შესანიშნავი შესაძლებლობა ეძლევათ დროულად გადაიტანონ საკუთარი მონაცემები OneDrive-ზე.
კომენტარები
0