სანქციები: ირანში, სირიასა და ყირიმში GitHub-ი დაიბლოკა

GitHub-მა ყირიმის, ირანისა და სირიის ტერიტორიაზე დეველოპერებს საკუთარ ანგარიშებზე წვდომა შეუზღუდა. ამის შესახებ ინფორმაცია პლატფორმის ოფიციალურ ბლოგზე უკვე გამოქვეყნდა. ოფიციალურ შეტყობინებაში შეზღუდვას ა.შ.შ-ს ხელსუფლების მიერ მიღებულ სანქციებს უკავშირებენ. განცხადებაში ასევე აღნიშნულია, რომ მთავრობის გადაწყვეტილება არ შეესაბამება GitHub-ის ხედვას მსოფლიოში ყველა დეველოპერის გაერთიანებასთან დაკავშირებით, თუმცა აღნიშნულ შემთხვევაში „ა.შ.შ-ს კანონმდებლობა კორპოტატიულ იდეალებზე უფრო მაღლა დგას“.

GitHub-ის აღმასრულებელი დირექტორი, ნეტ ფრიდმანი ფაქტს საკუთარ Twitter-ზე გამოემხაურა და აღნიშნავს, რომ მისთვის მტკივნეულია ამის ყურება, თუმცა კომპანია იძულებულია დაემორჩილოს მთავრობას. ფრიდმანი აქვე აღნიშნავს, რომ საჯარო open-source რეპოზიტორიები კვლავ ხელმისაწვდომია მთელი მსოფლიოს მასშტაბით.

დეველოპერების ანგარიშები იბლოკება IP მისამართისა და გადახდის ისტორიის მიხედვით. ეს ნიშნავს იმას, რომ თუ დეველოპერი დროებით საკუთარ GitHub-ს იყენებდა იმ ქვეყნებიდან, რომლებზეც გავრცელდა შეზღუდვა, შესაძლოა მისი ანგარიში დროებით დაიბლოკოს.

GitHub-ი ამ შემთხვევაში VPN-ის და სხვა შემოვლითი გზებით ანგარიშით სარგებლობასაც კრძალავს და ხაზს უსვამს, რომ ანგარიშის დაბლოკვის გადაწყვეტილების მიღებისას ეროვნული კუთვნილება გათვალისწინებული არაა. საჭიროების შემთხვევაში დეველოპერებს დაბლოკვის ადმინისტრაციაში გასაჩივრება შეუძლიათ.

შეგახსენებთ, რომ GitHub-ის ანგარიშები დაბლოკილია ყირიმში, ირანში, კუბასა და ჩრდილოეთ კორეაში

Leave your vote

0 points
Upvote Downvote

კომენტარები

0

Share

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.